Esta situación seguro que a atopas familiar:
Tes que lanzar unha páxina web e a correr instalas un WordPress, elixes un tema que che guste e instalas os teus plugins favoritos.
🤓 E isto falo así independentemente do público ao que te dirixas, das particularidades do proxecto e dos obxectivos que teña o sitio.
Ah, que unha páxina web ten particularidade e obxectivos?
🏪 Pensa na túa web coma no teu fogar, a túa oficina, comercio ou local no que desenvolver a túa actividade profesional.
Para crear un espazo no que queiras estar, útil e cómodo, e poder sacarlle un maior partido ao sitio, é preciso realizar unha planificación previa á súa creación coa que aforrarás tempo, esforzos e cartos.
🎯 Nesta Meetup poñeremos o foco sobre diferentes aspectos, que tanto se fas ti a túa web coma se lla encargas a alguén, deberías ter en conta á hora de ideala.
Aprende que debes facer antes de lanzarte a instalar ferramentas, da man de Sabela Muñiz.
👩🎨 Sabela é creativa dixital, isto é, dá forma a ideas, proxectos ou deseños a través de gráficos, vídeos ou modelos 3D. Está centrada na transformación de contidos técnicos nun formato visual, ameno e con linguaxe que calquera poida entender. É membro da organización da WordCamp de Pontevedra e doutros grupos tecnolóxicos.
🗓 A meetup terá lugar o vindeiro día 15 de decembro en WekCo (Novo Mesoiro, nº2 baixo, A Coruña) a partir das 19:30 horas.
🍕 A continuación, e xusto ao finalizar o evento, teremos o noso habitual networking acompañado duns petiscos.
É a nosa última Meetup de 2022, así que agardamos celebrala cun brinde por todo o alto para desexar a boa entrada a 2023.
Apúntate, só hai 40 prazas!!
🚌 Sabes chegar a WekCo?
- En coche, hai moito sitio onde aparcar
- En autobús, na liña 21
Agardámoste!
