Como te quedas se che dicimos que o xeito de personalizar as páxinas con WordPress cambiou para sempre?
Non nos cres?
A chegada de WordPress 5.9 marcou un antes e un despois co lanzamento da Edición Completa do Sitio (ou Full Site Editing en inglés). Desde ese momento todas as partes da túa web poden ser implementadas visualmente con bloques.
😱 Si, así como o escoitas.
Desaparece o personalizador e, en troca, aparece un editor onde modificar todos os modelos de deseño do teu sitio.
Este camiño consolidouse co recente lanzamento de WordPress 6.0.
Sabemos que estes cambios son importantes e de profundidade. E que mellor que aprender a utilizar as novas ferramentas como un/unha profesional.
🔥 Diso vai a nosa próxima Meetup: un taller 100% práctico onde aprenderás a utilizar a Edición Completa do Sitio e como montar unha web en WordPress 6.0.
👨💻 Guiará o taller David Viña, desenvolvedor web e especialista en WordPress. El mesmo presenta a súa filosofía:
“Gústanme os sitios web lixeiros, fluídos e sen desorden, por iso desenvolvo páxinas con Gutenberg, o maquetador nativo de WordPress. Con esta ferramenta conséguese un código máis limpo, cun menor consumo de recursos e que é perfecto para cargar nos teléfonos móbiles.
O meu obxectivo é facer sitios web rendibles sendo máis sostibles 🚀”
🤓Podes coñecelo máis en:
Trae o teu portátil para montar en vivo a túa web, ou achégate sen el se simplemente queres tomar unhas poucas notas.
🗓 O taller terá lugar o vindeiro día 7 de xullo de 2022 en WekCo (Novo Mesoiro, nº2. Baixo. A Coruña) a partir das 19:30 horas.
🍕A continuación, e xusto ao finalizar o evento, teremos o noso habitual networking acompañado duns petiscos.
Apúntate, só hai 40 prazas!!
🚌 Sabes chegar a WekCo?
- En coche, hai moito sitio onde aparcar.
- En autobús, na liña 21.
