Resolve as dúbidas que teñas sobre o teu proxecto dixital sen pagar un só céntimo
Propoñémosche un exercicio.
🧐Entra en Google e le con atención varios artigos que expliquen como instalar un WordPress.
Seguro que todos ese blogs de expertos en márketing dixital afirmarán, ao unísono, que lanzar un WordPress é súper sinxelo.
E ultra barato.
💨Aloxamentos que xa o fan todo. Instalacións a un clic. Construtores visuais. Posicionamento vía Intelixencia Artificial. Copywriting nivel bolsiña de azucre da cafetaría…
Pero cando te pos mans á obra, todo iso era un conto.
Existen innumerables dificultades, trabas e dúbidas.
Milleiros delas.
🚨Porque non, lanzar un proxecto dixital non é sinxelo. Nin é barato.
Por iso desta volta querémosche propor algo diferente e enriquecedor. Sen relatores nin charlas mais si con moito valor e solucións.
A próxima Meetup de WordPress vai de preguntas e respostas. De sentarnos todas e todos para compartir dificultades sobre aloxamentos, WordPress, deseño, analítica, SEO ou o que se che ocorra, e que a intelixencia colectiva dea a solución.
🤗Tes un proxecto dixital e as dúbidas non che deixan avanzar? Aproveita e pasa unha tarde connosco!
🗓 A meetup terá lugar o vindeiro día 20 de abril de 2023 en WekCo (Novo Mesoiro, nº2 baixo, A Coruña) ás 19:30 horas.
🍕 A continuación, e xusto ao finalizar o evento, teremos o noso habitual networking acompañado duns petiscos.
Apúntate, só hai 35 prazas!!
🚌 Sabes chegar a WekCo?
- En coche, hai moito sitio onde aparcar
- En autobús, na liña 21
Agardámoste!
