👩💻 Sabías que podemos instalar WordPress, crear entradas ou páxinas, modificar menús ou desactivar plugins sen entrar no panel de administración?
WordPress é moi grande.
Tanto que moitas veces descoñecemos algunhas das súas funcións máis potentes. E é que hai moita vida alén da interfaz gráfica e das opcións que podemos seleccionar co rato.
🤜🤛 Queremos que te enfrontes a unha liña de comandos. Si, sen medo. Unha liña de comandos. Unha pantalla en negro, unha serie de instruccións e a capacidade de manexar o teu WordPress desde aí.
Tranquilo, non é cousa de hackers.
WP-CLI é unha interfaz de liña de comandos que serve para xestionar de xeito sinxelo un WordPress. Ti escribes correctamente unha serie de textos e execútanse esa serie de procesos.
Aprende desde 0 que é e como se utiliza na túa web na próxima edición da Meetup de WordPress da Coruña da man de Jesús Amieiro.
📡 Jesús é enxeñeiro de telecomunicacións e artesán das TIC. Membro activo da comunidade de WordPress. Traballa como programador en Automattic, enfocado na área de internacionalización e tradución (https://translate.wordpress.org/). Tamén ten participado en numerosas Meetups e WordCamps en diferentes partes do mundo.
🗓 A actividade terá lugar o vindeiro día 3 de novembro de 2022 en WekCo (Novo Mesoiro, nº2. Baixo. A Coruña) a partir das 19:30 horas.
🍕 A continuación, e xusto ao finalizar o evento, teremos o noso habitual networking acompañado duns petiscos.
Apúntate, só hai 40 prazas!!
🚌 Sabes chegar a WekCo?
- En coche, hai moito sitio onde aparcar
- En autobús, na liña 21
